ខេត្តព្រះសីហនុ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានឆ្លៀតពេលដែលសម្ដេចមកខេត្តព្រះសីហនុទៅកំសាន្តនៅឆ្នេរអូរឈើទាល មុនអញ្ជើញបើកពិធីបុណ្យសមុទ្រលើកទី៩ ក្នុងខេត្តនេះ។

សម្ដេចតេជោ ហ៊ុន សែន បានសរសេរនៅលើ facebook page របស់សម្ដេចយ៉ាងដូច្នេះថា៖ «ខ្មែរធ្វើបានប្រទេសមានសន្តិភាពមិនលំបាករឿងការពារសន្តិសុខនោះឡើយ។ មុជទឹកជាមួយប្រជាជនបង្រៀនក្មេងហែលទឹកជារឿងសប្បាយសម្រាប់ខ្ញុំ។ បុណ្យសមុទ្រឆ្នាំនេះសប្បាយបន្ទាប់ពីគ្រប់គ្រងបានកូវីដ១៩»។ 

គួរឱ្យដឹងផងដែរថា ពិធីបុណ្យសមុទ្រលើកទី៩ ជុំទី៣ នៅខេត្តព្រះសីហនុ នឹងរៀបចំឡើងចាប់ពីថ្ងៃទី៩-១១ ខែធ្នូ ឆ្នាំ២០២២ អមជាមួយសន្និបាតក្លិបឆ្នេរសមុទ្រដែលស្អាតបំផុតលើសកលលោក ចាប់ពីថ្ងៃទី៩-១៤ ខែធ្នូ ឆ្នាំ២០២២៕